साप्ताहिक श्रमिक समाचार लाईव्ह : 8 हजार मातांनी जयश्री जाधव आघाडीवर

 

कोल्हापूर : कोल्हापूर उत्तर विधानसभा मतदारसंघात पोटनिवडणुकीसाठी (Kolhapur North Vidhansabha Bypoll Elections 2022) चुरशीची लढत होतं आहे. कोल्हापूर उत्तर विधानसभेची पोटनिवडणूक ही 2024 च्या निवडणुकांची (Maharashtra State Assembly Elections 2022) लिटमस चाचणी असेल, असं म्हटलं जातं आहे. त्यामुळं यात कॉंग्रेसचे पालकमंत्री सतेज पाटील आणि भाजपाचे प्रदेशाध्यक्ष चंद्रकांत पाटील या दोन दिग्गजांची प्रतिष्ठा पणाला लागली आहे. या पोटनिवडणुकीत महाविकास आघाडी विरुद्ध भाजप (Mahavikas Aghadi vs BJP) असा थेट सामना असल्यासारखी आहे. भाजपच्या देवेंद्र फडणवीसांपासून ते काँग्रेसच्या सतेज पाटील यांच्यापर्यंत सगळ्यांनी या पोटनिवडणुकीत कोल्हापूर उत्तरचा मतदारसंघ पिंजून काढला आहे. कॉंग्रेसकडून जयश्री जाधव आणि भाजपकडून सत्यजित कदम हे दोन उमेदवार या निवडणुक रिंगणात होते. त्यामुळे आज कोण बाजी मारणार हा फैसला होणार आहे.

सम्राटनगर येथील जयश्री जाधव यांच्या घरी कार्यकर्त्यांची गर्दी वाढू लागली आहे.

दहव्या फेरी अखेर जाधव यांना ३९, ६०५ मते तर कदम यांना ३१,५१२ मते मिळाली आहेत. ८०७३ मतांचे लीड आहे. 8 हजार मातांनी जयश्री जाधव आघाडीवर आहेत.

पालकमंत्री सतेज पाटील आणि भाजप प्रदेशाध्यक्ष चंद्रकांत पाटील यांच्या दृष्टीने प्रतिष्ठेच्या ठरलेल्या कोल्हापूर उत्तर विधानसभा मतदारसंघाच्या पोटनिवडणुकीत ९ व्या फेरी अखेर काँग्रेस उमेदवार ८ हजार ९५९ मतांनी आघाडीवर आहेत. ९ व्या फेरीमध्ये सत्यजीत कदम यांनी १९३ मतांची आघाडी घेतली. या फेरी अखेर एकूण ६५ हजार ९४२ मते मोजली असून या पैकी ३६ हजार ७३७ मते जाधव यांना तर २७ हजार ७७८ मते कदम यांना मिळालेली आहेत. अजूनही ९ व्या फेरीअखेर १ लाख १२ हजार ६०० मतांची मोजणी व्हायची

भाजप उमेदवार सत्यजित कदम हे सुरुवातीपासूनच पिछाडीवर असल्याचे चित्र दिसत आहे. विचारेमाळ सदर बझार, ताराराणी चौक, रुईकर कॉलनी येथील मते -

जयश्री जाधव 3632

सत्यजित कदम 2431

फेरीतील लीड 1201

एकूण लीड 9676

कोल्हापुरतील कदमवाडी, जाधववाडी, भोसलेवाडी या भागात भाजपाचे सत्यजित कदम हे 653 मतांनी आघाडीवर आहेत.

पाचव्या फेरीत कदमवाडी पूर्ण जाधववाडी या परिसरात कॉंग्रेसच्या जयश्री जाधव यांना 3673 तर सत्यजित कदम यांना 4198 मते मिळाली आहेत.

कोल्हापूर उत्तर विधानसभा निवडणुकीत दुसऱ्याफेरी अखेर कॉंग्रेसच्या उमेदवार जयश्री जाधव दुप्पट म्हणजचे 5139 मतांनी आघाडीवर आहेत. पहिल्या फेरीत जाधव यांना 4856 तर कदम यांना 2719 मते मिळाली आहे. दुसऱ्या फेरीत जयश्री जाधव 5515 तर सत्यजित कदम 2513 मते मिळाली आहे. दरम्यान, कॉंग्रेसच्या जाधव या दुसऱ्या फेरी अखेर 5139 मतांनी आघाडीवर आहेत.

कोल्हापूर - राज्याच्या राजकीय पटलाचे लक्ष लागून राहीलेल्या कोल्हापूर उत्तर विधानसभा मतदार संघाच्या पोटनिवडणुकीत पहिल्या फेरीत काँग्रेसच्या श्रीमती जयश्री जाधव यांनी २१३७ मतांची आघाडी घेतली आहे. पहिल्या फेरीत ७ हजार ७७८१ मते मोजण्यात आली, त्यात श्रीमती जाधव यांना ४८५६ तर भाजपचे सत्यजित कदम यांना २७१९ मते मिळाली. सद्या कसबा बावडा या पालकमंत्री सतेज पाटील यांचा प्रभाव असलेल्या भागाची मतमोजणी सुरू आहे. अजून दोन फेऱ्यात याच भागातील मतमोजणी असेल.

विधानसभेच्या कोल्हापूर उत्तर मतदार संघातील पोटनिवडणुकीत टपाली मतदानात 688 पैकी 603 मते घरोघरी जाऊन घेतलेली आहेत. आणि 1 मत पोस्टाने आले आहे. अशी एकूण 604 मतदान टपाली आली आहेत.

आज सकाळी आठ वाजल्यापासून मतमोजणीला सुरुवात झाली असून टपाल मतमोजणी सुरु आहे.