कोल्हापूर : छत्रपती शाहू महाराजांच्या कोल्हापूरनगरीमध्ये काय चाललंय, असा सवाल उपस्थितीत करणारा एक व्हिडिओ समोर आलाय. एका तरुण मंडळाच्या कार्यक्रमामध्ये मुली आणि तृतीयपंथींचा अश्लील हावभाव असलेला व्हिडिओ व्हायरल झालाय. या व्हिडिओमधील मुली सिगारेट ओढून गाण्यावर अश्लील हावभाव करत डान्स करत आहेत.
धार्मिक कार्यक्रमाच्या नावाखाली काही मुली आणि तृतीयपंथींचा सिगारेट ओढत डॉल्बीच्या ठेक्यावर धिंगाणा घातल्याचा प्रकार घडलाय. स्वातंत्र्याचा अमृतमहोत्सव साजरा करत असताना काल, सोमवारी देवीचे जग आणण्याच्या मिरवणुकीत तृतीयपंथींनी हे अत्यंत लाजीरवाणं कृत्य केलंय. हातात सिगारेट ओढत डॉल्बीच्या ठेक्यावर हा धिंगाणा सुरु होता. त्याचा व्हिडिओ व्हायरल झाल्यानं नागरिकांतून तीव्र प्रतिक्रिया उमटत आहेत.
त्याबाबत आज, मंगळवारी लक्ष्मीपुरी पोलीस ठाण्यात कायद्याचा भंग करणाऱ्यावर गुन्हा दाखल करण्याचं काम सुरु होतं. व्हिडिओंत डीजे लावून तरुण बेफानपणे नाचत आहेत. डीजेच्या समोरच एक स्टेज उभा करण्यात आला असून या स्टेजवर मुली उभ्या करण्यात आल्या होत्या. या मुली अश्लील हावभाव करत बिभत्सपणे डान्स करत आहेत. यामध्ये काही तृतीयपंथींच्याही समावेश आहे. एवढंच नाहीतर या मुली डान्स करत असताना सिगारेटसुद्धा ओढत असताना दृश्यात दिसत आहे.
संतापजनक म्हणजे, छत्रपती शिवाजी महाराज आणि शाहू महाराज यांच्या पोस्टर समोरच हे सगळे कृत्य सुरू होते. हा व्हिडिओ व्हायरल झाल्यानंतर कोल्हापूरकरांनी तीव्र संताप व्यक्त केलाय. या प्रकरणाचा तीव्र निषेध शिवसेना शहर अध्यक्ष रविकिरण इंगवले यांनी केला आहे. या प्रकरणाची तक्रार ते प्रशासनाकडं करणार असून असली कृत्ये खपवून घेणार नसल्याचा इशारा त्यांनी दिलाय.
.jpg)
